Irish champion nais basagin ang record nina Mayweather at Pacquiao

NAIS ng bagong hirang na Universal Fighting Championship (UFC) featherweight champion ng isa pang titulo: ang maging pay-per-view king ng mundo.

Ayon kay Conor McGregor, may kompiyansa siyang mababasag niya ang kinitang revenue ng super fight sa pagitan nina pound-for-pound king Floyd Mayweather Jr., at People’s Champ Manny Pacquiao noong nakaraang Mayo.

Ipinilit ni McGregor na sa kanyang edad, malalampasan niya ang Mayweather-Pacquiao fight kaugnay ng kinita nitong revenue. Ang nasabing laban, na bumenta ng 4.6 milyong PPV buy at nagtala ng mahigit US$410 mil-yon, ang pinakamalaki sa kasaysayan.

“Ano ang naitala ng Floyd vs Manny? 72 mil-yon? Hinahabol ko na ito. 27-anyos lang ako. Silang matatanda ay 40 na bago nila ito nagawa. Pero nagwa-warm up pa lang ako!” wika ni McGregor matapos bugbugin at pasukuin si Jose Aldo para maging bagong UFC featherweight king sa loob lamang ng 14 segundo.

“Sabi ko kay (UFC co-founder) Lorenzo Fertitta, at sinabi ko rin kay (UFC president) Dana (White), dadalhin ko ang malaking numerong ito. Dadalhin ko rin ang bilyon-bilyong dolyar na revenue, tulad ng ginawa ng Mayweather-Pacquiao fight,” aniya.

Ang panalo ni McGregor kay Aldo ay nagpaangat sa kanya para hiranging pinakamalaking bituin ng UFC, lalo na sa pagwawakas ng pagrereyna ni Ronda Rousey bilang UFC women’s bantamweight champion.

Kinalap ni Tracy Cabrera