Yolanda survivor patay, anak sugatan sa ratrat ng 4 armado (Tulong pinansiyal pilit kinukuha)

TACLOBAN CITY – Nahaharap sa kaso ang apat suspek sa pagpatay sa isang benepisaryo ng Emergency Shelter Assistance (ESA) na ipinamimigay ng National Government sa survivors ng bagyong Yolanda.

Kalaboso ang mga suspek na sina Felix Boring, George Palconit, Eugenio Gervacio, at Michael Corpin, agad nahuli makaraan ang pagpatay sa biktimang si Romeo B. Lauron, 55-anyos, residente ng Sitio Dalupingan ng Brgy. Canila, Biliran, Biliran.

Nabatid na pinasok ng mga suspek ang bahay ng biktima at hiningi ang pera na nakuha ng pamilya mula sa ESA na nagkakahalaga ng P3o,000.

Nagmakaawa ang misis ng biktima at sinabing naipambayad na sa utang ang pera.

Mabilis na tumakas ang misis habang nabaril si Lauron nang  manlaban sa mga suspek.

Kasama rin sa nabaril ang 15-anyos anak ng mag-asawa na ngayon ay nagpapagamot na sa ospital.

Ang Emergency Shelter Assistance ng gobyerno ay tulong pinansiyal para sa mga biktima ng bagyong Yolanda.

Tumatanggap ang bawat pamilya ng P30,000 para sa totally damaged ang bahay at P10,000