Pambubugbog sa ABS-CBN cameraman iimbestigahan

 IIMBESTIGAHAN ng Iglesia ni Cristo (INC) ang pambubugbog sa cameraman ng ABS-CBN nitong Biyernes.

Ayon sa tagapagsalita ng INC na si Edwil Zabala, aalamin nila kung totoong mga kaanib ng sekta ang tatlong lalaking nanakit sa cameraman na si Melchor Pinlac sa kasagsagan ng protesta sa EDSA.

Tiniyak ni Zabala na kung mapatutunayan na miyembro ng INC ang mga kumuyog kay Pinlac ay pananagutin nila.

Iginiit din ng INC spokesperson, bukas silang antabayanan ng mga taga-media ang kanilang aktibidad at pinagsabihan na ang kanilang mga miyembro.

Humingi rin ng paumanhin si Zabala sa mga naperhuwisyong motorista dahil sa kanilang pagtitipon sa EDSA-Shaw Boulevard mula nitong Biyernes.