HATAW! D'yaryo ng Bayan hatawtabloid.com
CAGAYAN DE ORO CITY – Umabot sa 14 katao ang sugatan, kabilang ang isang municipal councilor makaraan salpukin ng Bongo truck ang isang Toyota Hi-Lux sa national highway ng Gitagum, Misamis Oriental kamakalawa.
Inihayag ni Gitagum Police Station commander, Senior Insp. Nerfie Daganato, mula Lanao del Norte at papuntang Bukidnon ang cargo truck na minamaneho ng isang Robesper Udar nang masalubong ang Toyota Hi-Lux na nagresulta sa salpukan ng dalawang sasakyan.
Sinabi ni Daganato, pinilit ni Udar na maka-overtake sa sinusundan nitong passenger bus dahilan kaya hindi naiwasan ang nakasalubong na sasakyan.
Ngunit iginiit ng suspek, hindi mabilis ang kanyang takbo kahit matindi ang pagkasira nang nakabanggaan niyang sasakyan.
Kabilang sa nasugatan ang municipal councilor mula sa Initao na si Susan Balabat.
