Aktibistang brodkaster patay sa ambush

LEGAZPI CITY – Iniimbestigahan ng mga awtoridad kung may kinalaman ba sa trabaho ang motibo sa pagpatay sa isang human rights activist at radio broadcaster sa Sorsogon kamakalawa.

Ang biktima ay kinilalang si Teodoro “Tio Todoy” Escanilla ng Brgy. Tagdon, Barcelona, at tagapagsalita ng grupong Karapatan Sorsogon Chapter.

Ayon kay Senior Supt. Ronaldo Cabral, director ng Sorsogon Police Provincial Office, base sa inisyal na imbestigasyon, pauwi na ang biktima nang paputukan ng hindi nakilalang armadong suspek.

Isinugod siya sa ospital ngunit idineklarang dead on arrival ng mga doctor dahil sa multiple gun shot wounds.

Si Escanilla ang humahawak ng isang programa na “Pamana ng Lahi” sa DZMS Sorsogon.

Dito tinatalakay ang iba’t ibang uri ng  pang-aabuso sa lalawigan at mga isyung may kinalaman sa human rights.