PH eagle Pamana utas sa boga

PATAY makaraan barilin ang Philippine eagle na si Pamana sa Davao Oriental.

Kinompirma ito ni Dennis Salvador ng Philippine Eagle Foundation.

Natagpuang patay si Pamana noong Agosto 16, isang kilometro mula sa Brgy. San Isidro sa nasabing probinsya, kung saan ito pinalaya noong Hunyo 12, Independence Day.

Base sa necropsy, ang 3-anyos agila ay may tama ng bala sa kanang dibdib. Nabasag din ang scapula nito.

Patuloy pang inaalam kung sino ang bumaril kay Pamana, na mahaharap sa kasong paglabag sa Wildflife Act of 2002.

Dinala na ang mga labi ni Pamana sa Philippine Eagle Center (PEC) sa Malagos, Davao.

Binanggit din ni Salvador na 90% ng mga pinalayang Philippine Eagle ay napapatay.

Dahil dito, mas paiigtingin ang campaign at public education para sa campers upang mas mahigpit na maipatupad ang batas na nagpoprotekta sa wildlife species.

Matatandaan, pinalaya si Pamana sa virgin forest ng Mt. Hamihuitan, isang UNESCO Heritage Site, noong Hunyo.

Ito’y makaraan siyang dalhin sa PEC mula nang matagpuan sa Mt. Gabunan Range sa Iligan City noong 2012.