14-anyos totoy nagbigti (Nakipag-away sa utol dahil sa bigas)

TUGUEGARAO CITY – Nagbigti ang isang 14-anyos binatilyo makaraan makipagtalo sa nakatatandang kapatid dahil sa bigas na kinuha ng biktima sa kanilang tiyuhin sa Sta. Ana, Cagayan kamakalawa.

Kinilala ang biktimang si Ian Jay Benavidez, residente ng Brgy. Centro sa naturang lugar, at trabahador sa farm ng kanilang tiyuhin.

Batay sa imbestigasyon ng pulisya, nagkaroon nang mainitang pagtatalo ang biktima at kanyang kapatid na si Joel dahil lamang sa bigas na kinuha ni Ian sa kanilang tiyuhin.

Dahil  dito, iniwan ni Joel  ang kanyang kapatid upang puntahan ang kanilang tiyuhin.

Makaraan ang ilang sandali, bumalik siya sa kanilang bahay ngunit nagulat nang makita niyang nakabitin ang kanyang kapatid na may tali ng nylon sa leeg sa loob ng kanilang bahay.

Agad naisugod ng nagrespondeng pulis sa pagamutan ang biktima ngunit idineklarang dead on arrival ng doktor.