Parating na bagyo lalo pang lumakas

LUMAKAS pa at nasa severe tropical storm category na ang bagyong may international name na Goni at inaasahang tatawaging bagyong Ineng kapag nakapasok sa PAR.

Ayon sa Pagasa, taglay na ngayon ng bagyong ito ang lakas ng hangin na 100 kph at may pagbugsong 130 kph.

Huli itong namataan sa layong 2,215 kilometro sa silangan ng Southern Luzon.

Kumikilos pa rin ang bagyong pakanluran hilagang kanluran sa bilis na 15 kph.

Inaasahang makapapasok ito sa PAR sa Miyerkoles.

Bagama’t sinasabing susundan nito ang naging takbo ng bagyong Hanna, pinag-iingat pa rin ang mga residente ng Northern Luzon dahil sa posibleng paglakas hanggang super typhoon.

Inaasahan din na palalakasin ang habagat na maaaring magdulot nang panibagong mga pagbaha sa western section ng ating bansa.