Debate para sa 2016 polls suportado ni Miriam

SUPORTADO ni Sen. Miriam Dafensor-Santiago ang binabalak ng Commission on Elections (Comelec) na magsagawa ng presidential debate para sa mga kandidatong kalahok sa 2016 national elections.

Ayon kay Santiago, makatutulong sa mga botante ang debate ng mga kandidato kung sino ang nararapat sa bawat posisyon sa darating na halalan.

“A debate format among presidential and vice presidential candidates would test who among these candidates is most fit for the position they are running for,” wika ni Santiago.

Nabatid na taon 1992 pa huling nagsagawa ng presidential debate ang Comelec sa panahong tumakbo rin si Santiago bilang pangulo at nakatunggali si dating Pangulong Fidel Ramos.

Panukala ng senadora ang pagkaroon ng Presidential Debate Commission na kinabibilangan ng anim na miyembro mula sa public at private sector.