Waterlily festival pinangunahan ni Sen. Villar

PINANGUNAHAN ni Sen. Cynthia Villar kahapon ang taunang pagdiriwang ng Waterlily Festival sa Las Piñas City.

“This is one of the ways we can portray waterlily not as a nuisance that clogs our rivers and waterways, more importantly, the waterlily that brings livelihood to many residents of Las Piñas,” ani  Villar.

Kabilang sa mga aktibidad sa pagdriwang ang street-dancing competition at paghirang sa Ms. Las Piñas Water Lily 2015.

“Through this festival, we give residents a sense of belonging while providing the visitors and tourists with entertainment. We are very proud to stage this kind of festivity because of its environmental value,” ani Villar.

Sa nakalipas na mga taon, nagdulot nang pagbaha ang waterlilies  sa Las Piñas, hanggang simulan ni Villar, na noo’y kongresista ng siyudad, ang kanyang Sagip Ilog Program para maisaayos ang Las Piñas-Zapote River. Nakuha mula sa ilog ang ilang truck ng waterlilies na ginawang baskets, trays, mats, hampers, at iba pang kapaki-pakinabang na mga bagay.

Ang mga lumahok sa street dancing competition sa taong ito ay mga grupo na binuo ng hindi hihigit ang bilang sa 50 high school students mula sa mga paaralan sa Las Piñas.

Ang waterlily ang pangunahing component ng kanilang kasuotan at props. Ang bawat grupo ay may 7-minute dance presentation na may musika.

(NIÑO ACLAN)