Imbestigasyon vs Marcos paintings nakatengga sa Kamara

WALA pa rin aasahan ang taumbayan na mabawi ang artworks na pinaniniwalaang kasama sa ill-gotten wealth ni dating Pangulong Ferdinand Marcos.

Sa panayam ng Hataw kay Kabataan Party-List media officer Marjohara Tucay, natutulog  pa rin sa House Committee on Rules ang dapat sanang pag-iimbestiga sa nasabing paintings na ‘di mabawi-bawi ng gobyerno.

Kung matatandaan, nag-ingay si Kabataan Party-list Terry Ridon dahil sa kakuparan ng Presidential Commission on Good Government (PCGG) na mailagay sa pangangalaga ng gobyerno ang paintings.

Dahil dito, nagsumite ng resolusyon si Ridon para alamin at tiyakin sa PCGG kung ano na ang ginagawang aksiyon ng ahensiya para sa naturang mga portrait.

Ngunit makalipas ang halos siyam na buwan, kataka-takang nanahimik ang isyu hanggang sa kasalukuyan sa ‘di malamang dahilan.

Banat ni Tucay, posibleng ang mayorya ang dahilan kung bakit ayaw umusad sa naturang komite ang inihaing resolusyon ni Ridon.

Si Majority Floor Leader Neptali  Gonzales ang siyang chairperson ng nabanggit na komite.

Jethro Sinocruz