Friday , January 27 2023

3 mahistrado haharap sa impeachment vs CJ Sereno

INAASAHANG tatlong  mahistrado ang dadalo sa pagdinig ng House Committee on Justice ngayong umaga (Lunes) sa impeachment proceedings laban kay Chief Justice Ma. Lourdes Sereno.

Kinompirma ni Oriental Mindoro Rep. Reynaldo Umali, chairman ng komite, dadalo sa pagdinig sina Associate Justices Lucas Bersamin, Diosdado Peralta at Samuel Martirez.

Sinabi ni Umali, tetestigohan ni Martirez ang desisyon niya ukol sa benepisyado ng Korte Suprema kabilang ang mga balo ng mga hukom, na sa loob ng dalawang taon ay hindi nakatanggap ng pensiyon.

Habang magbibigay umano ng testimonya sina Justice Peralta at Bersamin ukol sa “rules and procedure” sa Korte Suprema na dapat sana ay daraan sa en banc bilang collegial body ngunit si Sereno lamang ang nagdesisyon nito.

Nauna nang sumipot sina Associate Justices Francis Jardele, Noel Tijam at Teresita de Castro sa pagdinig noong nakaraang taon na nadiin si Sereno.

Kabilang sa paratang kay Sereno ang pagbinbin sa kahi-lingan ng Department of Justice na ilipat sa Taguig City ang pagdinig sa Maute case ngunit inilipat ito ng punong mahistrado sa Cagayan de Oro.

Idinahilan noon ni SC clerk of court Atty. Felipa Borlongan Anama, na raffle committee ang nagdesisyon na mapunta ang kaso kay Sereno ngunit kalaunan ay umamin si Anama na walang naganap na raffle.

(JETHRO SINOCRUZ)

About Jethro Sinocruz

Check Also

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Electricity Brownout

Sistema ng NAPOCOR, Paurong – HATAMAN

Dahil sa paulit-ulit na brownout sa Basilan at sa iba pang maliliit na isla sa …

Sibuyas Onions

Kulang na cold storage, sanhi ng pagtaas ng presyo ng sibuyas

ITINURO ni Pangulong Ferdinand R. Marcos Jr. ang kakulangan ng mga pasilidad ng cold chain …

Koko Pimentel Bongbong Marcos

Pimentel kay FM Jr.:
MAGTALAGA NG REGULAR AGRICULTURE SECRETARY

NANINIWALA si Sen. Aquilino “Koko” Pimentel III na pinahihirapan lang ni Pangulong Ferdinand R. Marcos …

shabu drug arrest

‘Kristo’ tiklo sa buybust

HINDI nakapalag ang isang lalaki sa pag-aresto ng mga awtoridad nang masukol sa ikinasang drug …

Leave a Reply