Thursday , January 27 2022

Dengue vaccine program bubusisiin ng Kongreso

IIMBESTIGAHAN din ng Camara de Representantes ang kaugnay sa kontrobersiyal na Dengvaxia vaccine.

Inihayag ng minorya sa mababang kapulungan na maghahain sila ng re-solusyon para paimbestigahan ang multi-bilyong pisong halaga ng biniling Dengvaxia dengue vaccine.

Nais ng mga mambabatas na malaman at ng buong bayan kung sino ang may ka­salanan o nagku­lang dahil may mga buhay na nalagay sa panganib at dapat panagutin ang mga responsable rito.

Maging ang Makaba-yan bloc ay nakatakda rin maghain ng resolusyon para paimbestigahan ang Dengvaxia deal.

Ang panawagang imbestigasyon ay bunsod ng pahayag ng Sanofi Pasteur na posibleng maging sanhi ng “severe” case ng dengue ang gamot kung itinurok ito sa hindi pa dinadapuan ng virus.

Ngunit iginiit rin ng Sanofi na hindi awtomatikong magiging sanhi ng severe dengue ang gamot.

Samantala, nagpalabas ng pahayag ang World Health Organization (WHO), inilinaw na hindi nila inirekomenda ang paggamit ng Dengvaxia vaccine para sa immunization programs.

Binili ng gobyerno, sa ilalim ng administrasyon ni dating Pangulong Benigno Aquino III, ang bakuna at sinimulang ibigay sa public school children noong 2016.

Sinabi ng Department of Health, 733,000 school children na  ang nabigyan ng bakuna.

Sa naturang bilang, 200,000 ang nabigyan na ng tatlong doses.

Idinagdag ng DoH, 70,000 bilang ng nabakunahan ng Dengvaxia ay hindi pa nagkakasakit ng dengue bago ito itinu­rok sa kanila.

(JETHRO SINOCRUZ)

About Jethro Sinocruz

Check Also

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Bongbong Marcos

Mariing itinanggi BBM: Walang ‘Tallano gold’

MARIING itinanggi ni presidential aspirant Ferdinand “Bongbong” Marcos, Jr., ang sinasabing Tallano gold sa gitna …

Leave a Reply