Dawn at Anton spotted magkasamang dumalo sa isang event

SHOWBIZ KONEK
ni Maricris Valdez Nicasio

NAGLABAS agad ng resibo si Dawn Zulueta sa pagbabalik nito ng Pilipinas para siguro’y matigil na ang mga nabalitang hiwalay na sila ng asawang si Special Assistant to the President (SAP) na si Anton Lagdameo.

Tama ang nasulat kamakailan ng isa sa kolumnista ng Hataw na si Kuya Ed de Leon na agad magsasalita si Dawn kung may katotohanan ang mga lumabas na balitang hiwalay na nga sa asawang si Anton. Kaya nawala at lumipad patungong Amerika ang aktres ay para samahan ang anak na nakakuha ng scholarship sa ballet, si Ayisha. At nakatakda muling umalis ang aktres ngayong Agosto patungong US para ienrol naman sa kolehiyo ang anak na siJacobo.

Ang resibong tinutukoy namin ay nang dumalo sa isang art exhibit ang mag-asawa na nagpakuha sila ng litrato at agad ipinost ng aktres sa kanyang social media. May caption iyong, “So happy to be back home with my husband, our family, and ear friends! (emojis clapping hands) to @joannapreyslermanila & @raulsfrancisco for another successful art exhibit of @markrochapadernal’s beautiful portraits entitled UNGUARDED @flagdameo & I love how Mark wonderfully captured the blissful expression of our first portrait together that Joanna entitled HOME AT LAST, perfectly marking our more than 25 years of marriage.

“Thank yuou, Jo, for making this happen! You were brilliantly with it every step of the way. I’m so glad I listened to you #Unguarded #HomeAtLast #MarkRochaPadernal #provenanceartgallery.”

Ngayong nakitang magkasama ang mag-asawang Dawn at Anton na sweet pa rin, siguro naman ay matitigil na ang nagkakalat ng tsismis na hiwalay na ang dalawa.