Election-related violent incidents (ERVIs) umakyat na sa 25-AFP

PUMALO na sa 25 ang election-related violent incidents (ERVIs) ang naitala ng Armed For-ces of the Philippines (AFP).

Inilahad ni AFP public affairs office chief Col. Noel Detoyato ang nasabing impormasyon.

Kabilang sa naitalang ERVIs ang insidente nang pag-ambush sa dalawang miyembro ng 9th Infantry Division na sugatan sa insidente habang tumutupad sa kanilang election duty sa Matnog, Sorsogon.

Inihayag ni Detoyato, nangyari ang insidente dakong 3:35 p.m.

Kinilala ang mga biktimang sina 2nd Lt. Ariel P. Cayton at Sgt. Jovintino C. Cerafica, agad  dinala  sa  Irosin Municipal  Hospital  upang gamutin.

Karamihan sa naitalang karahasan ay sa Western Mindanao Command area-of-res-ponsibility na ikinamatay ng 10 katao at tatlo ang sagutan.