HATAW! D'yaryo ng Bayan hatawtabloid.com
HARD TALK
ni Pilar Mateo
LIMA agad! Opo! Ang pelikulang ihahain ng Viva sa Netflix para kay Robin Padilla.
Sumosyo ang RCP Productions nito kay Boss Vic del Rosario para sa mga pelikulang gagawin niya.
Nagsimula na ang kanyang Bad Boy 3.
Hindi naman kaila na ang titulo ng pagiging Bad Boy ay minana nito sa sa nagsilbing action king sa panahon nina Rudy Fernandez at Ace Vergel. Ace was the original Bad Boy of Philippine Cinema in his prime.
Pero dumating ang panahon na kinailangan nang ilipat ni Alas ang trono sa bagong nais na bigyan ng pagkakataon ng Viva.
At naikuwento nga ni Binoe ang pagkikita nila ni Alas sa Viva. Roon sa lumang opisina nito sa Sct. Albano (na kinatatayuan ngayon ng isang malaking coffee shop).
Haha! Nandoon ang inyong lingkod. Kasi nga PR ni Alas. Meeting-meeting na sila noon. And I remember direk Deo Fajardo o Dikong of Binoe). The rest is history.
Kaya kung tinatanong ito ngayon kung sino sa tingin niya ang papasahan ng titulo bilang Bad Boy ng Philippine Cinema, walang gatol na sinabi nitong walang iba kundi ang pamangkin na si Daniel Padilla.
Maisasantabj naman daw niya ang politika dahil nagamay na niya kung paanong aasikasuhin ang pagharap niya sa posisyon bilang senador.
Gaya ng halos kapanabayan niyang si Richard Gomez (na balik-pelikila ngayon sa Salvageland ng Viva), miss ni Binoe o mas tinatawag naming Manong Batch ang showbiz. Lalo at nakikita ang mga OG na media.
Nililigawan pa raw nila ni Boss Vic si Ma’am Sharon Cuneta para sa una niyang proyekto.
Pero hindi naman inaaliw ang posibilidad na muli niyang maging kapareha ang mga dati na niyang naging leading ladies. Na nakarelasyon din ba? Ano ang reaksiyon ngayon ng maybahay niyang si Mariel Rodriguez sa pagbabalik niyang muli sa pelikula? Nakilala rin naman kasi siya dati na playboy.
“Ikaw naman, Batch nagsisimula pa lang tayo, eh. Si Mariel naman, nakasuporta sa mga ginagawa ko. Sa trabaho ko. Hands-on sa pagiging ina ng aming mga anak.
“Ako nga ang nahiya sa kanya. Kasi, may isinakripisyo siya na alam kong gustong-gusto niyang gawin. Nag-usap nga kami tungkol diyan kagabi. Nagkaiyakan. Alam niyo naman kung gaano kahalaga sa kanya ang mag-host. Pero may mga bagay na kailangang isaalang-alang.”
Nag-enumerate na ang mga kaharap niya ng mga pangalan ng mga leading lady na napalapit din sa puso niya.
“Noong panahon namin, natin, alam niyo naman kung paano ang shoot. Madalas kayo magkasama. Magkausap. Kaya hindi maaalis na magkahulugan ng loob. Noon naman ‘yun. Ngayon iba na. Digital na nga tayo, eh.”
Kung karisma rin naman ang pagtutuunan ng pansin, nananatili pa rin ‘yun kay Binoe. Sa itsura, baby face pa rin. Sa porma, machong-macho.
Kayang-kaya pa ring sakyan at panindigan ang pagiging Bad Boy!
Signed and sealed na ang kontrata. To be delivered na lang ang mga proyekto.
Streaming next. Abangan na.
