Innervoices household name na

HARD TALK
ni Pilar Mateo

FULL-PACKED. Kahit saan sila sumampa. Kahit saan sila kumanta. Maliit o malaki ang venue, household name na sa lahat ng henerasyon ang matatawag ngayong premier band sa panahong ito. Ang Innervoices.

Ilang dekada na rin naman kasi ang dinaanan nito na sinimulang alagaan ni Atty. Rey Bergado. Side hustle ‘ika nga. Dahil lahat naman ng naging miyembro ay mayroong day jobs.

Ang daming imbak na kanta ni Atty. Rey sa kanyang “music box”. At unti-unti ngang nailalabas ito. At may  iba ring nagbibigay ng piyesa sa kanya.

Ikaapat na bokalista na ngayon si Patrick Marcelino. But over the years kumalampag na at nagmarka na ang banda. It’s actually a rock band. But as the tides turned nariringgan na rin sila ng mga love song.

And this time nag-release sila ng upbeat na Pasko sa Ating Puso! 

Danceable tune ang gustong palaganapin ni Atty. Rey sa kanta. At na-inspire siya sa mga nakasanayan na ating Christmas songs.

Ang  inikutan ay ‘yung pagsasama-sama ng pamilya. Sa hapag. Sa simbahan. Sa tahanan. Na kung maririnig mo na pwede mong sabihing pwede siyang maging theme song o station ID pa nga. Natumbok ni Atty. Rey ang gusto niyang mapalaganap sa kanta. At sa tinig ni Patrick, aalingawngaw na ito sa sumaliw na husay din ng timpla ng bawat miyembro ng banda-Jojo sa drums, Rene at Alvin sa gitara, at si Joseph at Atty. Rey sa keyboards.

Ang sarap sayawan ng tugtugan nila. Hataw na hataw! 

All meant to be … For  them to come together  and be part of this premier band…  Saksi Ang Mga Tala… At magsa-Sayaw Sa Ilalim ng Buwan…sa Gala ng bawat isa … Even those in the Shadows are willingnto Wait for You in the Rain… Lalo ngayong palapit na ang  Pasko… sa Ating Mga Puso…um-Idlip Man…lahat ng elemento ay magsasama-sama-Tubig Apoy Hangin Lula… Kaya sasambitin Handa Na Kitang Mahalin !!!  

Subaybayan sila sa Hard Rock Cafe Manila at Makati, Noctos sa Quezon City. BAR IX sa Molito mayroon din sa 19 East. o sa Tunnel Bar sa Parqal.

Nagawa na nilang itono ang kanilang musika. Tumapak na sa malalaking venues. Napakinggan na ng UMG at lumatag na ang kontrata. Kaliwa’t kanan ang guesting.  Ano pa?

Promise nila. They are here to share their different kind of sending messages through their original songs.