HATAW! D'yaryo ng Bayan hatawtabloid.com
MATABIL
ni John Fontanilla
NASA magandang pangangalaga ang Revival King na si Jojo Mendrez nang magdesisyon ito na iwan ang dating manager at lumipat sa Artist Circle ni Rams David.
Bago ito pumirma ng kontrata sa Artist Circle ay naglabas ito sama ng loob sa kanyang Facebookaccount na ipinost tungkol sa mga taong nanamantala sa kanya.
Ganoon man ang nangyari at ginawa sa kanya ay nagpapasalamat pa rin si Jojo sa mga nasabing tao dahil sa mga bagay na naitulong sa kanya.
Kuwento nga ni Papa Dudut (Barangay LSFM DJ at kaibigan ni Jojo), “Mabait at napaka-generous na tao ni Jojo, siya ‘yung tipo ng tao na madaling lapitan, hindi siya madamot.
“Sa tagal ko ng kilala si Jojo alam ko na mabuti ang kanyang puso, kaya nakalulungkot lang na sa kabaitan niya may mga tao pa ring nagsasamantala sa kanyang kabaitan.
“Naniniwala ako sa bagong management ni Jojo, mas magiging maganda at magiging smooth ang kanyang career.”
Sa ngayon ay abala si Jojo sa promotion ng kanyang revival song na I Love You Boy na unang pinasikat ni Timmy Cruz na ngayon ay binigyan ng bagong titulo, I Love You Babe.
Nakatakda rin nitong i-revive ang Bakit Ba Ganyan? ni Dina Bonnevie at ang Yakap ni Junior.
At ngayong taon din ay may maagang Pamasko ito sa kanyang mga tagahanga sa pamamagitan ng kanyang Christmas song at isang extended EP.
At dahil likas na generous ay tuloy-tuloy din ang pagtulong nito sa ating mga kababayan sa kanyang FB Live at sa pamimigay ng salapi sa kanyang mga nakakasalubong.
