Mga sangkot sa road rage  
‘KAMOTE’ DRIVERS BAWIAN NG LISENSIYA — ESCUDERO

INIREKOMENDA ni Senate President Francis “Chiz” Escudero sa pamahalaan partikular sa Land Transportation Office (LTO) na bawiin ang mga lisensiya imbes suspendehin ang mga iresponsableng driver na nasasangkot sa mga road rage at iba pang vehicular crashes bilang disiplina.

Ipinunto ni Escudero, naging usong content sa social media ang video ng mga ‘kamote’ drivers pero sa totoo lang ay hindi nakatatawa o nakaaaliw ang kanilang kilos, gawi, at asal.

Ayon kay Escudero, ang daming perhuwisyo at kadalasan nauuwi sa karahasan ang mga insidenteng kanilang kinasasangkutan.

“To ensure that our roads are safe from these motorists, their licenses should be revoked, not suspended,” ani Escudero.

Tinukoy ni Escudero na bilang isang tsuper, ang kawalan ng disiplina ang pangunahing nagiging sanhi ng problema sa kalye sa buong bansa.

“We need to have order on our roads. The lack of discipline among our motorists has become a serious issue. Drastic measures should be taken to restore order and revoking licenses of abusive motorists is a good first step toward achieving this,” dagdag ni Escudero.

Binigyang-diin ni Escudero, hindi sapat ang ipinapataw na 90-day suspension ng LTO bilang disiplina sa isang motorista.

“It cannot be overemphasized that having a driver’s license is a privilege and not a right. You have certain responsibilities while operating a vehicle,” ani Escudero.

“Kapag walang disiplina ang motorista, dapat lang na tanggalan sila ng lisensiya.” giit ni Escudero. (NIÑO ACLAN)