HATAW! D'yaryo ng Bayan hatawtabloid.com
BINAWIAN ng buhay ang isang 46-anyos na principal nang bumangga ang sinasakyang kotse sa isang concrete barrer as Abuyog-Silago Road, sa bahagi ng Brgy. Nebga, bayan ng Abuyog, lalawigan ng Leyte, nitong Miyerkoles, 9 Abril.
Ayon sa imbestigasyon, sakay ang biktima ng kotseng minamaneho ng driver na kinilalang si alyas Jiboy, 52 anyos, isang magsasaka, at residente ng Brgy. Canipaan, Hinunangan, Southern Leyte.
Nawalan ng kontrol si Jiboy sa kaniyang minamanehong sasakyan at nalipat sa kabilang linya kung saan sila bumangga sa isang concrete barrier.
Sugatan ang driver, ang principal na kinilalang si Marie, at isang 13-anyos na batang lalaki.
Dinala silang tatlo sa pagamutan sa Abuyo kung saan idineklarang wala nang buhay ang principal.
Nabatid na nagmula sa Hinunangan, Southern Leyte patungon lungsod ng Tacloban ang mga biktima nang maganap ang aksidente.
