Lito Lapid top 7 sa Octa Survey 

TUMAAS pa  ang tiwala ng taumbayan kay Sen. Lito Lapid matapos manatili sa “Magic 12” ng pinakabagong pre-election survey ng OCTA Research para sa 2025 senatorial race. Isinagawa ang survey mula February 22-28, 2025.

Batay sa resulta ng OCTA Research survey, naitala ni Lapid ang 43% ratings ng mga botante at nasa ikapitong ranking.

Nauna rito, pumatok si Lapid sa top 3 sa isinagawang survey ng Social Weather Station (SWS) sa survey na isinagawa rin ng kaparehong date.

Nahalal na senador si Lapid noong 2004 at sakaling manalo ay ikaapat na termino na niya.

Sa ilalim ng 14th Congress pa lang, isa si Lapid  sa top performing senators dahil sa dami ng mga panukalang batas at resolusyon na inihain. Siya ang may akda ng isa sa mga makabuluhang batas sa lipunan, ang Free Legal Assistance Act of 2010 na naglalayong tiyakin na ang mahihirap ay mabibigyan ng libreng kalidad na serbisyong legal.

Ilan pa sa iniakda ni Lapid ang Meat Labeling Act of 2011, Comprehensive Unilateral Hearing Loss Research and Development and Rehabilitation Act, Urban Agriculture and Vertical Farming Act, Corporate Social Responsibility Act, Kindergarten Education Act at Adopt-A-Wildlife Species Act.  (MVN)