HATAW! D'yaryo ng Bayan hatawtabloid.com
NGAYONG Semana Santa, ang Hermandad de la Ascension del Señor ng Parokya ng Pag-akyat sa Langit ni Hesukristo, sa Sto. Cristo, Pulilan, sa pakikipagtulungan ng SM Center Pulilan, ay naglunsad ng exhibit na pinamagatang “Korona at Pako” bilang tanda ng Kuwaresma sa Bulacan.
Ipinakita sa SM Center Pulilan Mall Atrium, ang “Korona at Pako” Lenten Exhibit, ay sumasalamin sa pananampalataya at tradisyon na nagpapakita ng kasiningan at simbolismo sa pamamagitan ng espirituwal na paggising.
Tampok sa exhibit ang hindi bababa sa 61 Catholic images na nagmumula sa iba’t ibang bayan sa Bulacan at inaasahang makaaakit ng mga deboto mula sa loob at labas ng probinsiya.
Ang “Korona at Pako” Lenten Exhibit ay nag-aanyaya sa mga mallgoer sa isang espirituwal na paglalakbay habang isinusulong ang katekismo sa mga parokyano.
Naaalala nito ang mga makabuluhang eksena na humahantong sa pagpapako sa krus at muling pagkabuhay ni Hesukristo, gayondin si Maria, ang Banal na Ina ng Diyos, ang kanyang mga disipulo, apostol, at ilang kahanga-hangang mga santo. (MICKA BAUTISTA)
