HATAW! D'yaryo ng Bayan hatawtabloid.com
PANSAMANTALANG inilabas ng Pasay City Jail si Neri Naig at dinala siya sa ospital dahil sa kahilingan ng kanyang mga abogado. Masyado raw na-stress si Neri sa nangyari sa kanya. Pero ilang araw lang siyang pinayagan ng korte, pagkatapos niyon ibabalik siya sa Pasay City Jail.
Mai-stress talaga si Neri sa city jail, over populated ang mga kulungan sa NCR, kaya hindi ba si Ricardo Cepeda nga ikinulong sa Cagayan na mas maluwag at mas mabuti ang kalagayan? Sa city jail problema pati ang kalinisan, kasi ang dami nila eh. Kaya karamihan sa mga preso nagkakaroon ng galis. Isipin ninyo iyong gandang iyon ni Neri kung magiging galisin? At walang piyansa iyong kaso niya. Kung walang magagawa ang abogado niya, kawawa si Neri. Bakit hindi nila subukan kung ano ang magagawa ni Kiko Pangilinan, tutal nagsabi naman siyang handa siyang tumulong kay Neri?
Asikasuhin na lang niya si Neri kaysa magkampanya pa siya bilang senador, may nagawa pa siyang mas mabuti. Kung matutulungan niya si Neri, baka ikampanya pa siya o igawa ng jingle ng Parokya ni Edgar,matutupad pa ang ambisyon niya sa 2028.
Aba sa ngayon mas iboboto naman namin si Kiko sa 2028 kaysa kay Inday Sarah.
