HATAW! D'yaryo ng Bayan hatawtabloid.com
HINDI nakaligtas sa kamatayan ang isang Commission on Elections (Comelec) officer matapos barilin sa Brgy. Curva, sa bayan ng Miagao, lalawigan ng Lanao del Norte, nitong Lunes, 25 Nobyembre.
Kinilala ng pulisya ang biktima na si Markus Orlando Vallecer, residente sa lungsod ng Cagayan de Oro.
Nabatid na pauwi sa kanilang bahay si Vallecer nang barilin ng hindi kilalang suspek.
Dinala ang biktima ng mga pulis sa pagamutan kung saan siya idineklarang wala nang buhay dahil sa mga tama ng bala ng baril sa kaniyang ulo.
Narekober sa pinangyarihan ng krimen ang limang basyo ng bala ng kalibre.45 baril at isang slug.
Ayon sa pulisya, may kaugnayan sa eleksiyon ang motibo sa krimen.
Nagsasagawa ang mga awtoridad ng follow-up investigation at hot pursuit operation upang masukol ang suspek.
