HATAW! D'yaryo ng Bayan hatawtabloid.com
ISANG paalis na pasahero sa Ninoy Aquino International Airport (NAIA) Terminal 3 patungong South Korea ang inarestong mga miyembro ng Philippine National Police Aviation Security Group (PNP AVSEGROUP) at Bureau of Immigration (BI).
Ang pag-aresto sa 51-anyos babaeng pasahero ay bunsod ng lumabas sa computer system ng Immigration na may nakabinbing warrant of arrest sa kasong bouncing check law.
Kasalukuyang nasa kustodiya ng Criminal Investigation and Detection Group (CIDG) sa Quezon City ang akusado para sa dokumentasyon at karagdagang legal na aksiyon.
Sinabi ni P/BGen. Christopher N. Abrahano, Direktor ng PNP AVSEGROUP, nananatiling nakatuon ang PNP AVSEGROUP sa pagbibigay ng mas ligtas na paliparan sa pamamagitan ng paghuli sa mga indibiduwal na sangkot sa criminal activities. (NIÑO ACLAN)
