Abot Kamay Na Pangarap magbababu na sa ere; Jess Martinez wish ang youthful genre

RATED R
ni Rommel Gonzales

SA Sabado, Oktubre 19 ay mamamaalam na sa ere ang GMA top-rating drama series na Abot Kamay Na Pangarap.

Isa sa mga napanood sa serye ay ang gumanap bilang si Diwata, ang magandang newcomer na si Jess Martinez na alaga ni Rams David ng Artist Circle Talent Management.

May nasabi na ba kay Jess ukol sa susunod na plano sa kanyang career? Ano pa ba ang gusto niyang subukan na genre bilang artista?

Lahad ni Jess, “I would always suggest to my manager na I want genres na youthful, high school na mga vibes.

“So that I could enjoy my youth, kasi you know, tumatanda rin ako… tatanda rin ako eventually.

“So while I’m still young, I wanna have those type of movies or test areas and baka naman… I think mayroon naman nila-line up si Tito Rams sa akin na ganoong type of genre.”

Ang pinaka-naka-bonding ni Jess sa Abot Kamay Na Pangarap ay si Wilma Doesnt na gumaganap na tiyahin ni Diwata na si Josa.

“Of course, Ms. Wilma, I really love the humor of Ms. Wilma,” pakli ni Jess.

“Even though I’m like a baguhan again, she would really guide me as if I’m her daughter. She would tell me kung anong mga dapat kong i-improve, dapat kong baguhin, and dahil doon mas natututo ako, kasi if walang makakapagsabi sa akin kung anong mga mali na nagagawa ko sa set, then hindi naman ako mag-improve as an actor.

“So I’m grateful that she’s willing and that she’s brave enough to say kung ano dapat ‘yung mga kailangan ko pang i-improve.”

Bida sa serye si Jillian Ward kasama rin sina Richard Yap, Allen Dizon, Kazel Kinouchi, Andre Paras, Eunice Lagusad, Chuckie Dreyfus, ang South Korean actor na si Kim Ji-soo at marami pang iba.

Samantala, bukod sa pagiging artista ay endorser si Jess ng Skinlandia Skin Care clinic ni Noreen Divina at ng Medicare Plus.