Wednesday , August 6 2025
Francis Tol Tolentino Bacoor Cavite

Para sa mga liblib na lugar  
INTERNET SERVICES COOPERATIVE TARGET NI TOLENTINO

NAIS masolusyonan ni Senate Majority Leader Francis Tolentino ang problema sa kawalan ng internet connection sa mga liblib na lugar at magkaroon ng internet sa murang halaga.

Sa kanyang talumpati sa pagdalo sa 2024 Cavite Cooperative Month Celebration na ginanap sa Strike Gym sa Bacoor Cavite, ipinagmalaki ni Tolentino na maghahain siya ng panukalang batas para sa pagkakaroon ng internet services cooperative na naglalayong makapagbigay at makapagsilbi ng internet connection sa mga bayan at liblib na lugar sa murang halaga sa pamamagitan ng mga kooperatiba.

Ipinunto ni Tolentino, ang naging modelo ng kanyang ihahaing panukalang batas na lingid sa kaalaman ng nakakarami ay ang isang engineering technique sa Pulilan, Bulacan, na noong panahon ng pandemya ay nakagawa ng internet connection services sa tulong ng Lokal Pamahalaan at Kooperatiba na ginamit noon sa work from home at hybrid education system nang walang bayad.

Naniniwala si Tolentino sa pamamagitan nito magkakaroon sa mga liblib na lugar ng internet connection sa murang halaga sa pamamagitan ng mga kooperatiba.

Kompiyansa si Tolentino na makalulusot ito sa senado at susuportahan ng kanyang mga kasamahan dahil para sa ikabubuti ito ng mga kababayan.

Nakatakdang ihain ni Tolentino ang panukalang batas sa susunod na linggo. (NIÑO ACLAN)

Krystall Herbal Products and FGO Branches

About Niño Aclan

Check Also

Erwin Tulfo DRT Bulacan 4

Mga estrukturang nakabara sa waterways tukuyin — Tulfo

“ANG mga estrukturang nakabara sa waterways, isa sa mga sanhi ng matindi at paulit-ulit na …

Rice, Bigas

Pagtaas ng taripa, suspensiyon sa importasyon ng bigas suportado ni Pangilinan

SINUSUPORTAHAN ni Senador Francis “Kiko” Pangilinan ang pagtaas ng taripa ganoon din ang suspensiyon ng …

DepEd

DepEd pinaigting anti-bullying policy bilang proteksiyon sa mga mag-aaral

NAIS ni Education Secretary Sonny Angara na tuluyang wakasan ang bullying o pang-aapi sa mga …

PNP AKG

2 kidnap victims nailigtas, 4 Chinese national tiklo sa operasyon ng PNP-AKG

DALAWANG kidnap victims ang nailigtas  habang apat na Chinese nationals ang dinakip ng mga tauhan …

QCPD Quezon City

Babaeng grade 3 pupil pinatay sa sakal ng 13-anyos

PATAY sa sakal ng isang 13-anyos batang lalaki ang Grade 3 student na natagpuang walang …