Teejay handang tumulong politika ‘di papasukin

RATED R
ni Rommel Gonzales

MALAYO ang nilalakad ni Mayor Marcos Mamay (ng Nunungan, Lanao del Norte) noong estudyante pa lamang siya para makarating sa kanilang eskuwelahan. Si Teejay Marquez ang gumanap na batang Marcos. At dahil salat sa buhay ay nakatsinelas lamang dahil walang pambili ng sapatos.

Kaya naman bumilib dito ni Teejay at sinabing, “Noon wala silang means, walang resources, naka-tsinelas.

“Challenging pero masarap ‘yung experience, mapi-feel mo na minsan kahit simple ‘yung buhay kung may gusto ka talaga maa-achieve mo.”

Dahil gumanap siya bilang young Mamay Marcos na naging mayor, pumasok ba sa isip ni Teejay na balang-araw ay nais di  niyang pasukin ang politika?

Ani Teejay, “Wala pa pong pumapasok na ganyan sa isip ko pero inspired ako sa mga taong pumapasok sa politika para tumulong dahil laki rin sila sa hirap.

“Ako naman siguro kung dumating sa punto na magkaroon ako ng ekstra, siguro ise-share ko na lang pero hindi po pumapasok sa isip ko na tatakbo ako.

“Kung sumobra man ‘yung maging resources ko itutulong ko na lang.

“Hindi ko pa naiisip na pumasok sa politika, pero tingnan natin, for me basta makatulong ako masaya na ako.”

Mula sa Mamay Production, nasa pelikula rin sina  Jeric Raval as Marcos Mamay, Ara Mina, Victor Neri, Polo Ravales, Julio Diaz, Devon Seron, Ron Angeles, Ali Forbes, Jethro Ramirez, Sheila Delgado, sa panulat at direksiyon ni Neal “Buboy” Tan.