Cayetano, pabor sa POGO ban

IPINAHAYAG ni Senador Alan Peter Cayetano nitong Miyerkoles ang suporta niya sa panukala ni Senator Risa Hontiveros na ipagbawal ang Philippine Offshore Gaming Operators (POGO) sa bansa, ngunit nagmungkahi ng ibang paraan ukol sa pagkolekta ng buwis nito.

“Would it be a remedy to put an absurd amount of tax amending the tax law that Senator Risa said, but let’s say putting a 10,000 percent tax on POGOs which will effectively ban it?” tanong ni Cayetano sa pagtatalakay ng Senado ng ‘create more bill’ nitong Miyerkoles, 28 Agosto.

Sa kaniyang panukala, iminungkahi ni Hontiveros na magdagdag ng isa pa sa ilalim ng Section 28 na magtatanggal sa umiiral na lisensiya ng mga POGO.

Kasunod ng panukalang ito ni Hontiveros, pinanindigan ni Cayetano ang kanyang posisyon na ang simpleng pagtatanggal ng buwis ay hindi sapat upang ipagbawal ang mga POGO.

“If we repeal it, we’re not banning POGOs, we’re actually taking out the tax from the POGOs,” sabi niya.

Sa kanyang interpelasyon, tinalakay ni Cayetano ang maaaring idulot ng pag-repeal ng mga buwis maging ang potensiyal na epekto ng mataas na tax rates sa mga offshore activity.

“There’s no argument with the intent and I’d like to thank Senator Risa kasi nga I think it’s timely,” sabi niya.

“Let’s find a final solution [to this] and put it into the law,” dagdag ni Cayetano. (NIÑO ACLAN)