Sunday , April 6 2025
Heart Evangelista Chiz Escudero

Sa isyu ng impeachment
TIKOM-BIBIG PAYO NI CHIZ SA SENATORS

HINILING ni Senate President Francis “Chiz” EScudero sa kanyang mga kapwa senador na busalan o itikom ang bibig sa pagbibigay ng komento ukol sa usapin ng impeachment case laban sa impeachable officer o  opisyal ng pamahalaan.

Inihayag ito ni Escudero matapos ibunyag ni Vice President Sara Duterte na maugong ang usapin sa pagsasampa ng kasong impeachment laban sa kanya sa mababang kapulungan ng kongreso.

Payo ni Escudero hindi dapat patulan ng mga Senador ang chismis, sabi-sabi o mga usapin ukol sa impeachment.

Paalala ni Escudero sa bawat senador, sa sandaling umakyat sa Senado ang impeachment complaint sila ay tatayong mga hukom at huhusga sa magiging kapalaran ng isang kaso.

Ang Senado ay tatayong impeachment court sa sandaling sampahan ng impeach case ang sinoman sa mababang kapulungan ng kongreso.

Paglilinaw ni Escudero, hindi lamang sa usapin ng Bise President ang kanyang paalala sa kanyang mga kapwa Senador kundi sa ibang mga usapin ng impeachment na ihahain sa mababang kapulungan ng kongreso.

Binigyang-linaw ni Escudero, ayaw niyang mapulaan o mabigyan ng kulay ang isang senador at akusahang na-pre judge ang isang kaso ng impeachment complaint kung siya ay magbibigay ng komento ukol dito.

Ngunit aminado si Escudero na hindi niya kontrolado ang bawat senador kung kaya’t hangga’t maaga, siya’y nagpapaalala. (NIÑO ACLAN)

About Niño Aclan

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …