Sunday , April 6 2025
Sonny Angara DepEd

Angara bagong DepEd secretary

TINANGGAP ni Senador Juan Edgardo “Sonny” Angara ang alok na maging kalihim ng Department of Education (DepEd) matapos magbitiw si Vice President Sara Duterte noong 19 Hunyo epeketibo hanggang 19 Hulyo, taong kasalukuyan.

Inianunsiyo ng Tanggapan ng Pangulo sa pamamagitan ng Presidential Communication Office (PCO) ang pagtatalaga kay Angara ni Pangulong Ferdinand Marcos, Jr., bilang kalihim ng DepEd.

Agad nagpahayag ng pasasalamat si Angara sa tiwalang ipinagkaloob sa kanya ng Pangulo kasunod ng pagtitiyak na umaasa siyang makatutuwang siya ng adminitrasyon para sa pagsusulong ng de-kalidad na edukasyon at pag-unlad ng sektor.

Nagpapasalamat din si Angara sa mga taong nagtiwala sa kanya at nagrekomenda sa naturang posisyon.

Umani ng papuri ang Pangulo sa mga senador sa pagpili kay Angara bilang kapalit ini Duterte.

Kabilang dito ang kanyang kaalyado sa magic 7 na sina dating Senate President Juan Miguel Zubiri, senators Win Gatchalian, Loren Legarda, at Nancy Binay.

Nagpahayag din ng suporta at pagbati sina Senate President Francis Joseph “Chiz” Escudero, at Senate President Pro-Tempore Jinggoy Estrada.

Inaasahang magiging madali ang kompirmasyon ni Angara sa makapangyarihang Commission on Appointments (CA) sa sandaling sumalang siya rito.

Batay sa tradisyon ng CA ang isang dating miyembro ng dalawang kapulungan ng kongreso ay pinagkakalooban ng kortesiya para sa magaan na kompirmasyon. (NIÑO ACLAN)

About Niño Aclan

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …