HATAW! D'yaryo ng Bayan hatawtabloid.com
PATAY ang isang robbery suspect habang dalawang pulis ang sugatan sa isang enkuwentro sa lungsod ng Las Piñas kahapon ng hapon.
Ayon kay Las Piñas City police chief, Col. Zandro J. Taffalla, isang report ang kanilng natangap at agad na nagresponde ang kanilang mga tauhan sa Annaliza St., Gatchalian Subdivision sa Barangay Manuyo Dos pasado 12:45 ng tanghali.
Nagkaroon ng palitan ng putok na nagresulta sa pagkamatay ng suspek at ikinasugat ng dalawang pulis.
Inaalam ng dalawa ang pagkakakilanlan ng suspek habang isinugod ang dalawang sugatang pulis sa Las Piñas City Doctors Hospital.
Samantala patuloy ang imbestigasyon ng Las Piñas city police sa naturang insidente. (NIÑO ACLAN)
