HATAW! D'yaryo ng Bayan hatawtabloid.com
NAARESTO ang tatlong suspek sa isinagawang drug buybust operation ng Muntinlupa City Police Station Drug Enforcement Unit sa kahabaan ng Baywalk, Barangay Bayanan sa lungsod na ito.
Isinagawa ang operasyon dakong 3:10 am kahapon nang ‘kumagat sa pain’ ang tatlong suspek sa pulis na nagpanggap na buyer ng ipinagbabawal na droga.
Matapos maiabot ang buybust money at makuha ang droga agad inaresto ng mga awtoridad ang tatlong suspek na kinilalang sina alyas Joey, 35 anyos, alyas Koko, 31, at alyas Baldo, 32.
Nakompiska sa mga suspek ang apat na sachet ng hinihinalang shabu, may timbang na 16 gramo at may street value na P108,000.
Narekober ang ginamit na buybust money ng mga pulis na isang P500 bill.
Nahaharap ang tatlong suspek sa kasong paglabag sa Section 5 at Section 11, Article II ng RA 9165 o paglabag sa Dangerous Drugs Act of 2002. (NIÑO ACLAN)
