HATAW! D'yaryo ng Bayan hatawtabloid.com
AGAD nakipag-ugnayan ang Department of Migrant Workers (DMW) sa international maritime authorities, shipping companies, at local manning agencies kasunod ng pag-atake ng Houthi rebels sa isang barko kung saan sakay ang mga tripulanteng Filipino habang naglalayag patawid sa Red Sea and Gulf of Aden (RSGA).
Ayon sa DMW, ligtas at walang nasaktan sa 23 tripulanteng Pinoy na sakay ng naturang barko habang inaatake ng mga rebeldeng Houthi nitong Sabado, 18 Mayo 2024.
Dagdag ng DMW, bahagyang napinsala ang barko habang naglalayag malapit sa Yemeni port city ng Hodeida nang ito ay salakayin.
Iniulat na nagpapatuloy sa paglalayag ang barko patungo sa sa mga lugar na may mataas na peligro papunta sa susunod na daungan. (NIÑO ACLAN)
