DOT namahagi ng P25-M libreng insurance coverage sa 50 tourist guides sa CL

IPINAMAHAGI ng Department of Tourism (DOT) ang nasa P25 milyong halaga ng libreng insurance coverage para sa 50 tourist guides sa Central Luzon.

Ito’y kasunod ng selebrasyon ng ika-51 anibersaryo at pagkakatatag ng ahensiya.

Ayon sa Tourism department, kabilang sa mga tour guide ay mula sa Pampanga, Tarlac, Bataan, Aurora, at Bulacan.

Ang libreng personal accident insurance coverage ay mismong pinondohan ni DOT Secretary Cristina Frasco bilang ‘token of appreciation.’ 

Bukod dito, nakatanggap ang mga tour guide ng travel essentials gaya ng sombrero, electronic lapel, sunglasses, tumblers at iba pang tour guiding equipment. (NIÑO ACLAN)