14,016 megawatts power demand sa Luzon grid naitala ng DOE

UMABOT sa 14,016 megawatts ang kasalukuyang power peak demand ng Luzon grid ngayong araw dahil sa matinding init ng panahon dulot ng El Niño phenomenon sa buong bansa

Sa isang Virtual Press Conference sinabi ni  Department of Energy (DOE) Secretary Raphael Lotilla, naitala ang naturang peak demand forecast matapos lumagpas sa 13,917 average demand ng Luzon grid.

Dagdag ni Lotilla, posibleng umabot hanggang sa susunod na buwan na makapagtatala pa rin ng yellow at red alerts sa Luzon grid dahil sa naturang peak demand

Samantala muling paalala ng DOE sa publiko na magtipid sa paggamit ng koryente upang makatulong sa energy conservation sa ating bansa.

Pinaghahanda rin ng DOE ang publiko sa anomang magiging dulot ng kakulangan ng supply ng koryente dahil sa patuloy na pagtaas ng pangangailangan nito. (NIÑO ACLAN)