HATAW! D'yaryo ng Bayan hatawtabloid.com
MATABIL
ni John Fontanilla
NAGBABALIK-RECORDING scene ang Voice of Asia Grand Winner, International coach Ladine Roxas with the song Within with RNB Prince Kris Lawrence.
Kuwento ni Ladine, sobrang happy siya na si Kris ang naka-collab niya sa Within dahil sobrang husay at napakasarap katrabaho.
At kahit nga ang composer ng kantang Within na si Maestro Vehnee Saturno ay saludo sa husay ni Kris, dahil sobrang taas ng range ng boses nito na bumagay sa kanta.
Aminado si Ladine na naging abala at sobrang nag-enjoy sa pagtuturo sa Vehnee Saturno Music Training Center at ‘di niya namalayan na matagal na pala siyang hindi nakakapag-record ng song, kaya naman kinausap nito si Vehnee at sinabing nami-miss na niya ang pagkanta at dito na nga ito nagdesisyong mag-recording ulit na may basbas ni Maestro Vehnee.
This time nga ay mas bibigyang oras na ni Ladine ang kanyang singing career, na pitong kanta pa ang iri-record niya after na makaka-duet ang iba pang local artists para gawing album. Sa ngayon ay tatlong songs na ang nagawa niya kasama ang Within.
Kahit nga kami ay na-goosebumps nang kantahin ng live nina Ladine at Kris ang Within dahil sa sobrang ganda ng kanta, grabe ang hugot ng song na talaga namang marami ang makare-relate.
Available na ang awitin sa lahat ng digital streaming apps, kasama ang Youtube at Tiktok, hatid ng Vehnee Saturno Music.
