DJ Janna at Marisol Academy hosts nakiisa sa 2nd anniversary ng TAK Community

MATABIL
ni John Fontanilla

MATAGUMPAY ang pagsasagawa ng 2nd anniversary ng Team Abot Kamay Worldwide sa pangunguna ng founder nitong si Mommy Merly Barte Peregrino kamakailan na nagsilbing hosts sina Joey Austria at DJ Janna Chu Chu ng Barangay LSFM 97.1.

Kasabay ng 2nd anniversary ang pagpapakilala ng bagong talent ni Mommy Merly, si Jess Napucao Soriano na isang part-time actor at Tiktokerist. Espesyal na panauhin naman ang mahusay na rapper na si Mike Kosa na ipinarinig ang ilan sa kanyang hit songs.

Nagbigay saya sa lahat ang Singtonado Singing Contest at Tiktok Dance Contest na nilahukan ng mga miyembro ng TAK Community at ng ilang bisita na dalawa sa nagsilbing hurado sina Marisol Academy hosts, Mildred Bacud at Rommel Placente.

Umapaw sa dami ng regalong naiuwi ang Tak Community sa pa-raffle na inihanda ni Mommy Merly at ng kanyang mga sponsor mula sa iba’t ibang bansa.

Ang 2nd Anniversary ng Team Abot Kamay Worldwide ay sinuportahan ng Cy Rus Lights and Sounds,  Princess Hailey Toys, Party Needs & Catering Services atbp..