Paolo wish na umabot ng 50 years ang Bubble Gang

COOL JOE!
ni Joe Barrameda

KABILANG sa walong show na Best Time Ever ng GMA 7 ang Family Feud, Amazing Earth, Pepito Manaloto, IBilib, YouLOL, Running Man, TBATS, at Bubble Gang. Sa ginanap na mediacon nito ay binigyan ng birthday cake si Paolo Contis na mainstay sa sa isa sa mga show. Sakto kasi na birthday niya ng araw na ‘yun.

Nang hingan ng birthday wish si Paolo, ang sabi niya, “Wala po akong wish. Nais ko lang magpasalamat sa suporta ng GMA 7 sa akin. I want to thank GMA for always supporting me, for always supporting the show.” 

And speaking of GMA 7, nilinaw ni Paolo na wala siyang tampo rito, gaya ng napapabalita. Na ang sinasabing dahilan ay ang pagkawala ng noontime show nila, ang Tahanang Pinakamasaya, na napapanood dati sa nasabing estayon.

Paglilinaw ni Paolo, “May kumalat po na may tampo po ako sa GMA, hindi po ‘yon totoo. Pero pagbigyan na po natin ang mga nagkakalat niyon, content na po nila ‘yon. Para po sa kanila ‘yon. But it’s not true. I love GMA. I’m very thankful to GMA and they’ve been supporting me, even the time na hindi ako kasupo-suporta. 

‘So, there’s no reason para magtampo ko sa GMA,” aniya pa. 

Pagkatapos ng paglilinaw ni Paolo na wala siyang tampo sa Kapuso ay biglang hirit siya tungkol sa kanilang gag show na Bubble Gang. “Siyempre, hindi magiging kompleto ang ‘Bubble Gang’ at itong ‘Best Time Ever’ kung hindi ninyo po kami sasamahan. Kaya tulungan niyo po kami dahil gusto nating paabutin ng 50 years ang ‘Bubble Gang.’ ‘Yung isa po kasi, hindi natin mapaabot ng 50 years, pero okay lang. Ang ‘Bubble Gang,’ gusto nating paabutin. Sorry hindi ko napigilan,” ang natatawa pang sabi pa ni Paolo dahil nga sa maagang pagkatsugi ng Tahanang Pinakamasaya. Kaya malabo na itong umabot pa ng 50 years sa ere.