HATAW! D'yaryo ng Bayan hatawtabloid.com
NAKINABANG ang nasa 200 pamilyang nasunugan kamakailan sa Damka St., Old Sta. Mesa, Maynila sa tulong na ipinagkaloob ni Senador Lito Lapid katuwang ang PAGCOR kahapon ng umaga.
Magiliw at mainit na sinalubong ng mga senior citizens at mga residenteng apektado ng sunog si ‘Supremo’ at ilang cast ng Batang Quiapo, kasama sina Councilor Lou Veloso at Benzon Dalina, alyas Turko.
Sa panig ng PAGCOR, nangako si Eric Balcos, Asst. Vice President for Community Services and Development na handang tumulong ang ahensiya sa mga biktima ng kalamidad sa bansa.
Sa pamamagitan ni Kapitan Lito Linis, nagpasalamat ang mga benepisaryo na tumanggap ng relief goods at cash mula kay Sen. Lapid.
Naniniwala si Lapid na mahalagang damayan ang ating mga kababayan na nawalan ng kanilang tirahan nang dahil sa sunog.
Aminado si Lapid na maliit man ang kaniyang naibigay ay natitiyak niyang malaking tulong ito sa bawat pamilyang nasunugan.
Dahil dito nananawagan si Lapid sa lahat na mag-ingat sa anumang uri ng sakuna lalo ngayong panahon ng sunog. (NIÑO ACLAN)
