Jo Berry kabado seryeng papalitan napakataas ng ratings

COOL JOE!
ni Joe Barrameda

 MATAGAL din nawala Si Jo Berry bago nabigyan ulit ng project sa GMA.

Bago pa yata nagpandemic ang huling project niya sa Kapuso. Kung hindi ako nagkakamali ay ‘yung magkasama sila ni Alden Richards at Ms Nora Aunor ang huling project niya. 

Si Jo Berry ang isa sa mga paborito kong aktres ng GMA. Sa mga panahong wala siyang project ay doon pumanaw ang kapatid niya at mga magulang. Hindi siya nawalan ng pag-asa at isang napakagandang project ang pagbibidahan niya na sa tingin ko ay kayang-kaya niyang gampanan at nababagay sa kanya. Ito ay ang Lilet Matias Attorney at Law.  

Magagaling at mga beteranong actor ang makakasama niya at nagpapasalamat siya sa magandang pakikitungo nila sa kanya. 

SA preskon ng nasabing afternoon serye na magsisimula sa Lunes, March 4 ay under pressure ang cast sa taas ng rating ng susundan nila. Hindi naman sila nababahala at ginagawa nilang lahat ang makakaya para magawa nila ng tama ang mga karakter nila sa ikagaganda ng teleserye. 

Masi kami ay excited na mapaood ang bagong teleserye na papalit sa Stolen Life na magtatapos sa Biyernes, March 1. Kaya tutok na mga Kapuso.