HATAW! D'yaryo ng Bayan hatawtabloid.com
RATED R
ni Rommel Gonzales
MAGSASAMA-SAMA ang apat na ipinagmamalaking bituin ng GMA Network sa biggest historical action-drama ng 2024, ang Pulang Araw.
Pagbibidahan ito nina Kapuso Primetime Princess Barbie Forteza, First Lady of Primetime Sanya Lopez, Pambansang Ginoo David Licauco, at Asia’s Multimedia Star Alden Richards.
Sa story conference kahapon, ipinakilala na ang kanilang mga karakter. Gaganap si Barbie bilang Adelina habang bibigyang-buhay naman ni Sanya ang half-sister nitong si Teresita. Pareho silang bodabil stars kaya naman sasabak din sina Barbie at Sanya sa tap dancing at singing lessons.
Samantala, gagampanan ni David ang role ng isang Japanese soldier na si Hiroshi at bilang paghahanda ay mag-aaral ang aktor ng Nihongo. Makikilala naman si Alden bilang Eduardo, ang half-brother ni Adelina na may dugong Amerikano.
Kasama rin sa powerhouse cast sina Epy Quizon, Angelu De Leon, Rochelle Pangilinan, at Aidan Veneracion. Base sa panulat ni Suzette Doctolero at idinirehe ni Dominic Zapata, iikot ang kuwento sa mga kaganapan sa bansa noong panahon ng World War 2.
