Marian pinuputakti ng endorsement

COOL JOE!
ni Joe Barrameda

BONGGA talaga si Marian Rivera. Kahit nadaragdagan ang edad na, the more siyang pinuputakti ng mga endorsement. 

Ang maganda sa misis ni Dingdong Dantes ay alaga sa kanyang pangangatawan at sa health. Lalo na may pinalalaking mga anak.

Sabagay ganoon din naman si Dingdong na super alaga rin sa kanyang health at pangangatawan. At importante kahit nasa mataas na ng estado ng buhay nila ay parehong mabait at nakatapak pa rin sa lupa. 

Kaya naman hindi tinigilan ni Anna Magkawas, may-ari ng Luxe Skin na makuha ang serbisyo ni Marian para i-endorse ang bago nilang produkto na Enron De Luxe na isang silicone sunscreen gel na siyempre sinubukan muna ni Marian bago tanggapin ang offer. Ganyan si Marian hindi grab ng grab ng offer. Kailangan subukan muna niya at kung effective sa kanya. Kaya super explain muna si Marian kung bakit niya tinanggap ang offer. Kaya naman super galak si Anna at may iniregalo pa siyang mamahaling designer hat bilang pasasalamat kay Marian.

Kaya nasa market na ang Ecrone De Luxe Silicon Sunscreen Gel.