HATAW! D'yaryo ng Bayan hatawtabloid.com
COOL JOE!
ni Joe Barrameda
MAY bago na namang pagkakaabalahan ang mga Kapuso viewer tuwing hapon simula noong Lunes bilang kapalit ng Magandang Dilag. Ito ay ang Stolen Life na kinabibilangan nina Gabby Concepcion, Carla Abellana, Beauty Gonzales, at ang nagbabalik na si Celia Rodriguez.
Sa edad ni Gabby ngayon ay hindi pa rin nagbabago ang pagkasimpatiko ng aktor at marami pa rin ang nahuhumaling sa kanya. Kaya bagay na bagay ang role niya rito na pinag-aagawan nina Carla at Beauty. Hindi naman mabigat na drama ito at may pagka hilarious dito si Carla habang kontrabida ang role ni Beauty.
Sobra naman ang pasasalamat ni Beauty sa GMA Network sa magagandang project na ibinibigay sa kanya simula nang lumipat siya rito.
Kasama rin sina Lovely Rivera, Anjo Daimlers, Divine Aucina, at Juharra Asayo. Ito ay sa direksiyon ni Jerry Sineneng.
