HATAW! D'yaryo ng Bayan hatawtabloid.com
COOL JOE!
ni Joe Barrameda
NALOKA ako sa preskon ng upcoming action teleserye na Black Riders na magsisimulang umere sa November 6 sa GMA after 24 Oras. Masuwerte si Ruru Madrid siya ang pinagkatiwalaan ng GMA News at Public Affairs na maging lead actor ng nasabing teleserye. Siguro dahil naging successful ang Lolong, na isa ring action teleserye na pinagbidahan ni Ruru.
Nagulat ako noong preskon dahil napakaraming malalaking artista ang kasama sa teleserye na susuporta kay Ruru. Ilan sa kanila ay sina Zoren Legaspi, Raymart Santiago, Gary Estrada, Isko Moreno, Monsor del Rosario, Raymond Bagatsing, Roi Vinson at marami pang iba .
Ewan ko kung paano sila nagte-taping. Tapos ang mga kasama pa sa teleserye sina Gladys Reyes, Matteo Guidicelli, Yassi Pressman, Katrina Halili at may participation pa si Kylie Padilla. Nariyan pa sina Joem Bascon, Jon Lucas, Joaquin Manasala, Empoy, Jayson Gainza, Marco Masa, at Ashley Rivera.
Mukhang umaatikabong bakbakan ito. Matagal din pinaghandaan ni Ruru ito pero hindi ko sukat akalaing ganitong kalaki ito. Kaya malaking hamon ito kay Ruru. Pero malaki ang tiwa ko kay Ruru. Nasaksihan ko ito kung gaanong paghandaan ang isang project. Tutok at disiplinado ‘yan talaga. Kaya abangan ninyo ang pilot episode sa Nov 6 after 24 Oras.
