Panggugulo ng Terrorist group kinondena
Seguridad ng OFWs sa Israel pinatitiyak ng senado

ni NIÑO ACLAN

KASUNOD ng pagkondena ng Senado sa mag terorista na nagresulta ng kaguluhan sa Israel ay pinatitiyak ng senado sa pamahalaan partikular na sa Department of Foreign Affairs (DFA) at Department of Migrant Workers (DMW) ang seguridad ng mga Overseas Filipino Workers (OFW).

Ayon kina Senate President Juan Miguel Zubiri, Senate Majority Leader Joel Villanueva at Senadora Grace Poe mayroon namang sapat na pondo na nakalaan ang pamahalaan para sa repatriation ng mga Pinoy sa sandaling ito ay kailangang isagawa lalo na sa mga Pinoy na nais nang umuwi at natatakot sanhi ng kaguluhan.

Naniniwala pa ang mga senador na mahalagang makapagdesisyun na ang pamahalaan hanggat maaga lalo na’t bukas pa ang mga boarders,

Umaasa naman ang senado na matatapos din ang kaguluhan at sa huli ay magkakaroon ng kaliwanagan sa bawat panig.

Ngunit sa ngayon ang paalala ng mga senador ay matiyak na mabigyang proteksyon at pangangalaga ang kapakanan ng mga Pinoy na naroroon lalo na ang mga mismong malapit sa kaguluhan.

Nanawagan na din ang senado sa DMW at DFA na gawin nito ang lahat ng kayang gawin upang matiyak na ligtas sa bawat mamamayang Filipino na nasa Israel.

Samantala pinaalalahanan naman ini Senador Raffy Tulfo ang mga Pinoy sa Israel na maging maingat at maging alerto at makinig sa mga ulat sa Israel. 

Sinabi ni Tulfo ns batay sa pag-uusap nila ini Overseas Workers Welfare Administration (OWWA) Administratior Arnel Ignacio  ay mayroon ng binuong task force ang DMW, DFA at OWWA at ang OWWA upang malaman ang kundisyon at mamonitor ang ating mga kababayan.