HATAW! D'yaryo ng Bayan hatawtabloid.com
DINAKIP ng mga awtoridad ang isang 17-anyos estudyante ng Special Education dahil sa paglaslas sa leeg ng isang 9-anyos kapwa SPED pupil sa lungsod ng Lucban, lalawigan ng Quezon, nitong Sabado, 26 Agosto.
Ayon kay P/Maj. Marnie Abellanida, hepe ng Lucban MPS, inaresto ang suspek ilang oras matapos ang insidente at inilipat sa kustodiya ng Municipal Social Welfare and Development Office (MSWDO) para sa naaangkop na disposiyon.
Lumabas sa imbestigasyon, nasa loob ng isang palikuran ang biktima sa Lucban public market sa Brgy. 4, sa nabanggit na lungsod dakong 3:30 pm kamakalawa nang biglang lapitan ng suspek saka nilaslas ang leeg gamit ang isang kutsilyo.
Unang dinala ang biktima ng kanyang ina sa pagamutan sa lungsod ngunit inilipat kalaunan sa Quezon Medical Center sa lungsod ng Lucena dahil sa kanyang kondisyon. ###
