HATAW! D'yaryo ng Bayan hatawtabloid.com
HINDI dumalo sa ikalawang State of the Nation Address (SONA) ni Pangulong Ferdinand Marcos, Jr., si dating Pangulong Rodrigo Duterte.
Ayon kay Senador Christopher Lawrence “Bong” Go, kasalukuyang nasa Davao ang dating Pangulo at nagpapahinga.
Tinukoy ni Go na kababalik ng dating Pangulo mula sa kanyang biyahe sa China matapos makipagpulong kay China Prime Minister Xi Jinping.
Magugunitang ginulat ang lahat ng dating Pangulo nang biglang kumalat ang isang larawan na nakipagpulong siya sa pinuno ng China nang walang kaalam-alam ang Department of Foreign Affairs (DFA) at maging si Pangulong Marcos.
Umaasa si Go, sa kabila ng hindi pagdalo ng dating Pangulo sa SONA ay makikinig siya at magmo-monitor sa kanyang tahanan.
Tanging sina dating Pangulong Gloria Macapagal Arroyo at Joseph Estrada ang dumalo sa SONA ni Marcos. (NIÑO ACLAN)
