Tandem nina Paolo at Joross riot 

COOL JOE!
ni Joe Barrameda

KAKAIBA itong napanood namin na horror movie. Ito ay ang Pangarap Kong Oskars na napanood namin sa premiere night sa SM North,The Block na dinaluhan ng mga cast sa pangunguna nina Paolo Contis, Joross Gamboa, Faye Lorenzo, Kate Alejandrino, at Direk Jules Katanyag. 

Nasabi Kong kakaiba ang horror movie na ito dahil may halong comedy ang pelikula at hindi ka matatakot at puro katatawanan. Kaya aliw ang movie at bagay na bagay ang tandem nina Paolo at Joross. 

Actually nakasentro ang story ng Ang Pangarap Kong Oskars sa kuwento ni Bobby (Paolo) na gustong patunayan na kaya niyang gumawa ng isang movie na makapaglalagay sa Pilipinas sa international movie stage. 

Sa pakikipagtsikahan sa movie press ay hindi maiiwasan tanungin si Pao tungkol sa mga bash na natatanggap niya dahil sa hosting niya sa Eat Bulaga na naiwan ng TVJ. Hindi naman siya apektado lalo na hindi naman niya kakilala ang mga basher at naapektuhan lang siya nang nakita niyang nasasaktan ang kapatid niya. 

Pero sa tagal ay nasanay na ang kapatid at siya pa ang sumasagot sa mga basher.

Magsisimula ang Pangarap Kong Oskars ngayong June 28 sa mga sinehan.