Herlene itinanggi cause of delay ng taping

COOL JOE!
ni Joe Barrameda

RUMAMPA si Herlene Budol sa mediacon ng Magandang Dilag noong Sabado ng tanghali. Sobra ang pasasalamat niya sa GMA at nabigyan siya ng pagkakataon na maging bida sa isang teleserye at mga bigating l artista ang mga kasama niya gaya nina Chanda Romero at Sandy Andolong.

Pinabulaanan niya na siya lagi ang cause of delay ng taping pero aminado siya na hindi niya matanggihan ang mga imbitasyon sa labas na makatutulong sa kanyang mga pangarap na maiahon sa kahirapan ang pamilya na unti-unti namang natutupad. 

Hindi naman siya nagrereklamo sa mga hirap na dinanas niya sa mga taping at talagang kinakabisa niya ang mga linya niya. 

Sa mga pagsagot ni Herlene sa mga katanungang ibinabato sa kanya at isinasagot niya na may sensiridad na ikinaaliw ng lahat na minsan ay hindi niya mapigilang umiyak. Kaya aliw ang mga kasamahan sa panulat sa pagka-jologs na sagot. 

Bale ang Magandang Dilag ang unang lead role ni Herlene sa isang teleserye bagamat napapanood natin siya sa Maagpakailanman, Tadhana, Wish Ko Lang at iba pa.

Ilan sa mga kasama niya sa teleserye bukod sa dalawang veteran actress ay sina Benjamin Alves, Rob Gomez, Maxine Medina, Bianca Manalo, Adrian Alandy, Al Tantay, Prince Clemente at iba pa. 

 Sa June 26 ang pilot airing nito sa GMA after Abot Kamay Ang Pangarap.